Bortvising
Kan du kome tilbake til Noreg?
Ei bortvising er berre eit mellombels forbod. Du kan kome tilbake til Noreg seinare.
Eit døme: Du blir vist bort når du skal reise inn til Noreg fordi du ikkje har med deg eit gyldig pass. Dersom du seinare kjem att med gyldig pass, vil ikkje det at du blei vist bort sist, hindre deg i å reise inn i Noreg.
Grunnar til å bli vist bort og høve til å klage
-
Borgarar av land utanfor EU/EØS
Dersom du er borgar av eit land utanfor EU/EØS, kan du bli vist bort dersom du til dømes
- ikkje har pass eller anna godkjent reisedokument, eller ikkje har visum eller opphaldsløyve dersom du treng det
- er utvist frå eit anna Schengen-land og har eit innreiseforbod i Schengen
- ikkje kan grunngi kvifor du skal til Noreg, på ein truverdig måte
- ikkje har nok pengar til opphaldet ditt i Noreg og til heimreisa
- er straffa eller truleg vil utføre straffbare handlingar
- skuldar norske styresmakter pengar fordi du tidlegare har blitt transportert ut av politiet. Då må du betale rekninga for uttransporteringa før du kan kome til Noreg igjen.
Kan du klage på bortvisinga?
Du kan levere ein skriftleg klage til politiet seinast tre veker etter at du blei vist bort. Politiet vil sjå på saka di på nytt og vurdere om dei skal gjere om vedtaket eller sende saka vidare til UDI. UDI vil ta ei endeleg avgjerd i saka di.
-
EU/EØS-borgarar
Dersom du er EU/EØS-borgar, kan du bli vist bort dersom du
- ikkje kan vise fram pass eller anna godkjent reisedokument
- har opphalde deg i Noreg for lenge utan å ha registrert deg som EU/EØS-borgar
- har utført eller truleg vil utføre straffbare handlingar
Kan du klage på bortvisinga?
Du kan levere ein skriftleg klage til politiet seinast tre veker etter at du blei vist bort. Politiet vil sjå på saka di på nytt og vurdere om dei skal gjere om vedtaket eller sende saka vidare til UDI. UDI vil ta ei endeleg avgjerd i saka di.