I ventetidsguiden vår finn du jamleg oppdatert informasjon om ventetida for din type søknad. Dette er den mest presise og best oppdaterte informasjonen vi har om ventetider i sakene våre, og du vil ikkje få annan informasjon om ventetider sjølv om du kontaktar oss.

Det som står om ventetider i denne saka gjeld alle saker unntatt søknader om vern (asyl), som har ein litt annan måte å informera om ventetider på.

Ventetida du finn på nettsidene våre blir rekna frå du leverer dokumenta til søknaden hos politiet i Noreg eller på søknadssenter/ambassade i utlandet.

Perioden du må vente frå du registrerte søknaden til du møter opp og leverer dokumenta er ikkje rekna med i ventetida til UDI. Kor lenge du må vente for å få time varierer, og på grunn av koronasituasjonen kan det vere lang ventetid nokon stader.

Ventetider hos politiet eller hos søknadssenter/ambassade

UDI kan ikkje svare på spørsmål om ventetid og timebestilling hos politiet eller søknadssenter/ambassade.

• Eg skal levere dokument hos politiet
  • Her finn du informasjon om kvar du skal møte opp basert på kva du søker om (ekstern nettstad)
  • For å finne informasjon frå politiet der du bur må du skrive inn kommunen din nedst på denne sida (ekstern nettstad) og så velje det aktuelle politikontoret i lista som kjem opp.
    
    
• Eg skal levere dokument i utlandet
  • Her finn du informasjon frå dei ulike ambassadane (ekstern nettstad)
  • Her finn du informasjon frå søknadssentera (ekstern nettstad)

Kan ventetida endrast på saka mi?

Ja, det kan skje. Dei ventetidene vi gir opp forteljar deg kva ventetida er for dei søknadene vi fattar vedtak i no. Viss det står at ventetida er seks månader, så betyr det at dei sakene vi fattar vedtak i no er omlag seks månader gamle. Vi oppdaterer ventetidene kvar månad.

Det skjer at vi må forandra ventetidene. Det kan til dømes komma av at vi har fått fleire søknader enn forventa, eller at vi må endra prioriteringa av sakene. Når vi endrar ventetidene gjeld den nye ventetida ikkje berre for nye saker, men også for dei søknadene som allereie er leverte og som ligg i kø.

Så dersom du til dømes søkte for tre månader sidan og ventetida blir endra frå seks til sju månader, så gjeld den nye ventetida på sju månader òg for di sak. Vi tilrår derfor at du sjekkar på nettsida vår om ventetida er justert for sakstypen din før du kontaktar oss. 

Kan ventetida bli lenger enn det UDI gir opp?

Ja, i nokre saker må vi gjere undersøkingar som gjer at saka tar lengre tid. Det kan til dømes hende at vi må sende saka til politiet eller til ein ambassade for å gjere eit intervju, gjere ein DNA-test,  sjekke om eit dokument er gyldig eller om opplysningar vi har fått frå deg som søkar eller frå andre stader er korrekte.

Kor lang tid politiet eller ambassaden bruker på å gjere intervju, ta DNA test eller gjere andre undersøkingar, varierer frå stad til stad. Du kan finne informasjon om ventetider hos politiet på nettsida til politiet (ekstern nettstad), og om ventetider på ambassaden på nettsida til ambassaden (ekstern nettstad). UDI kan ikkje svare på kor lenge du må venta på undersøkingar som skal gjerast hos politiet eller hos ambassaden.

I nokre saker må vi først fatte vedtak i saka til familiemedlemmen din før vi kan fatte vedtak i di sak. Viss det er ting i saka til familiemedlemmen din som gjer at saka tar lang tid, kan det bety at også di sak tar lengre tid.

Vi prøver å gi deg beskjed i dei sakene vi bruker lengre tid enn det som står på nettsida vår. Viss saka di har tatt lengre tid enn det som er gitt opp som ventetid for sakstypen din og du ikkje har fått noko beskjed om dette, så kan du kontakte oss.

Opphaldsløyve for deg som har blitt mishandla

Dersom du har søkt om sjølvstendig opphaldsløyve fordi du har blitt mishandla av ektefellen/sambuaren din, vil du vanlegvis få svar på søknaden innan 10 månader.

Opphaldsløyve for medisinsk behandling

Dersom du har søkt om opphaldsløyve for medisinsk behandling for borgarar av land utanfor EU/EØS, vil du vanlegvis få svar på søknaden innan 10 månader.

Viss du skal bli intervjua av ambassaden eller politiet, kan det ta lenger tid før du får svar på søknaden. Du vil få beskjed dersom du skal på intervju.

Opphaldsløyve for personar som hadde norsk mor eller far da dei blei fødd

Dersom du har søkt om opphaldsløyve for personar som hadde norsk mor eller far da dei blei fødd, vil du vanlegvis få svar på søknaden innan 10 månader.

Opphaldsløyve på grunn av sterke menneskelege omsyn eller særleg tilknyting til Noreg

Dersom du har søkt om opphaldsløyve på grunn av sterke menneskelege omsyn eller fordi du har særleg tilknyting til Noreg (humanitært grunnlag), vil du vanlegvis få svar på søknaden innan 10 månader.

Søknad om å få dekka utgifter til advokat eller andre nødvendige utgifter du har hatt i samband med ein klage

Du vil vanlegvis få svar på søknaden innan 6 månader.

Denne informasjonen vart sist oppdatert

og blir oppdatert neste gong

.

Viss du skal registrere deg som EU/EØS-borgar hos politiet kan det vera ventetid for å få time. Du må sjekke ventetidene til politiet (ekstern nettstad).