Skilnaden mellom familieinnvandringsløyve og opphaldskort for familiemedlemmer av EU/EØS-borgarar
Nokre søkjarar som har familie i Noreg, kan velje mellom å søkje om eit familieinnvandringsløyve eller eit opphaldskort for familiemedlemmer av EU/EØS-borgarar.
Fyll ut informasjon om deg og familiemedlemmen din for å sjekke om du kan bruke éi av dei to ordningane eller om du kan velje mellom dei.
Dersom du har mogelegheit til å velje mellom dei to ordningane, bør du undersøkje kva for ei som passar best for deg.
Kort oversikt: Fordelar og ulemper ved dei to ordningane
Familieinnvandring
- Du kan søkje om permanent opphaldsløyve etter tre år i Noreg.
- Du må betale betale søknadsgebyr.
- Du får rettar etter introduksjonslova (ekstern nettstad), mellom anna til norskkurs.
- Referansepersonen må ha ei inntekt på
287 278 kroner i året før skatt
. I tillegg må inntekta ha vore på omtrent same nivå i fjor. Referansepersonen kan heller ikkje ha fått økonomisk sosialhjelp dei siste 12 månadene. Sjekk krav til inntekta i fjor, kva for inntekt som reknast med og om dykk kan få unntak frå nokon av krava.
Opphaldskort for familiemedlemmer av EU/EØS-borgarar
- Du kan søkje om varig opphaldsrett etter fem år i Noreg.
- Du treng ikkje å betale søknadsgebyr.
- Referansepersonen treng ikkje å ha like høg inntekt som dersom du søkjer om familieinnvandring.
- Dersom du ønskjer det, kan du seinare søkje om familieinnvandringsløyve.
- Saksbehandlingstida er ofte kortare enn for familieinnvandring.
- Du har ikkje rettar etter introduksjonslova (ekstern nettstad).