Nasjonalt ID-kort er eit identitetsbevis som du kan bruke når du må legitimere deg. Det er frivillig å ha eit nasjonalt ID-kort.
Dersom du er norsk statsborgar, kan du få nasjonalt ID-kort med reiserett slik at du òg kan bruke det som eit reisedokument (på same måte som pass) når du skal reise til EØS-landa og Sveits.
Frå 1. april 2025 kan utlendingar som er EU/EØS-borgarar (frå eit land innan EØS eller EFTA) og som har norsk fødselsnummer, søkje om eit nasjonalt ID-kort utan reiserett. Du finn meir informasjon om dette på politiet.no (eksternt nettsted).
Du må bestille time hos politiet på for å søkje om nasjonalt ID-kort (eksternt nettsted), på same måte som pass.