EU/EØS-regelverket
Borgarar av EU/EØS-land og familiemedlemmene deira blir omfatta av EU/EØS-regelverket, som gir dei andre rettar enn borgarar av andre land.
EØS-regelverket er ein del av samarbeidet som Noreg har med EU.
EØS-regelverket gir EU/EØS-borgarar og familiemedlemmene deira rett til opphald i Noreg. Reglane er beskrivne i utlendingslova kapittel 13 (eksternt nettsted).
Som EU/EØS-borgar har du lov til å vere i Noreg i inntil tre månader etter innreise. Dette gjeld for eksempel ved besøk og feriar.
Som EU/EØS-borgar har du rett til opphald i Noreg i meir enn tre månader viss du
- arbeider
- er sjølvstendig næringsdrivande
- er tenesteytar
- er student
- har eigne midlar til å forsørgje deg sjølv
Familiemedlemmer av EU/EØS-borgarar har dei same rettane, så lenge EU/EØS-borgaren har rett til opphald.
Som EU/EØS-borgar kan du også søkje om andre opphaldsløyve i Noreg.