Korleis får du opphaldskort?

• Alle som har opphaldsløyve i Noreg og ikkje er EU/EØS-borgarar, skal ha eit slikt kort. Dersom du har fått opphaldsløyve, gå til «Har fått svar» for informasjon om korleis du skaffar deg opphaldskort.
• Kortet er gyldig like lenge som opphaldsløyvet ditt. Når opphaldsløyvet ditt går ut, må du søkje om nytt opphaldsløyve for å kunne få nytt opphaldskort.
• Dersom du har permanent opphaldsløyve, er kortet gyldig i to år. Dersom du har varig opphaldsrett, er kortet gyldig i ti år. Du må bestille nytt kort i god tid før det gamle kortet går ut.
• Dersom du mistar opphaldskortet, eller det blir stole eller øydelagt, må du bestille nytt kort.
• Dersom du mistar opphaldskortet medan du er på reise i utlandet, må du kontakte nærmaste norske ambassade eller konsulat (ekstern nettstad) for informasjon om hva du skal gjøre. 

Krav til biletet på opphaldskortet

Politiet vil ta biletet av deg til kortet. Sjå informasjonen vår om krav til biletet.

Har du ikkje fått opphaldskortet ditt i posten?

Dersom du ikkje har fått opphaldskortet ditt i posten eller viss du har spørsmål om opphaldskort, ta kontakt med det lokale politidistriktet kor du leverte søknaden din (ekstern nettstad). 

Kva kan du bruke opphaldskortet til?

• Opphaldskortet er beviset ditt på at du har opphaldsløyve i Noreg. 
• Du må vise fram kortet ved kontroll. Dersom du ikkje har det med deg, kan du bli beden om å hente det. 
• Med mindre noko anna står på kortet, viser det også at du har rett til å reise fritt i Schengenområdet i inntil 90 dagar i løpet av ein periode på 180 dagar. Du bør derfor ha med deg kortet når du reiser i utlandet. Du må alltid ha med deg passet ditt i tillegg. 

 Kortet inneheld mellom anna eit foto av deg, signaturen din og fingeravtrykk. Fingeravtrykka blir ikkje lagra nokon annan stad enn på sjølve kortet.