Presse Innsyn i enkeltsaker

UDI kommenterer gjerne enkeltsaker viss ein søkjar vel å gi ein journalist innsyn i saka si.

Sakene vi behandlar, inneheld personinformasjon som er underlagd teieplikt. Den som har ei sak til behandling hos oss kan likevel gi ein journalist same innsyn i dokumenta som vedkommande sjølv har.

For å gi ein journalist innsyn, må personen som har ei sak i UDI, fylle ut eit samtykkeskjema (sjå lenkjer til skjema under).

Vedkommande gir då samtykke til at personlege opplysningar kan bli publisert for offentlegheita. Det er plikta til journalisten å forsikre seg om at den som har signert forstår kva samtykket inneber.

Eit samtykke er gyldig i inntil éin månad og kan trekkjast tilbake når som helst.

Det er berre når vi har fått riktig utfylt skjema og kopi av ID-kortet til søkjaren, at UDI er friteke frå teieplikta og kan gi ut informasjon og kommentere den aktuelle saka.

ID-kortet må ha bilde og underskrift.

Send samtykkeskjemaet til samtykke-presse@udi.no, saman med kopi av ID-kortet.

Viss personen er mindreårig, må også føresette eller representant skrive under på samtykket og leggje ved kopi av ID-kortet sitt.