Du må ikkje ha opphaldsløyve i Noreg eller vere norsk statsborgar for å gifte deg i Noreg, men du må ha lovleg opphald. Lovleg opphald i denne samanhengen er for eksempel eit opphaldsløyve, opphaldsrett som EU/EØS-borgar, besøksvisum eller gyldig visumfridom. 

Før de kan gifte dykk i Noreg må de få ei godkjenning til det frå Skatteetaten. Denne godkjenninga blir kalla «prøvingsattest» og er gyldig i 4 månader. Denne viser at de fyller krava til å gifte dykk, og er ei godkjenning til å inngå ekteskap i Noreg. Attesten skal de gi til dei som skal vie dykk (vigslar).

Kva dokument de må sende til Skatteetaten for å få prøvingsattest finn de informasjon om på Skatteetatens nettsider (eksternt nettsted).

Det er ventetid på å få utskrive prøvingsattest, så vêr ute i god tid før bryllaupet.

Du må ikkje ha opphaldsløyve i Noreg eller vere norsk statsborgar for å gifte deg i Noreg, men du må ha lovleg opphald. Lovleg opphald i denne samanhengen er for eksempel eit opphaldsløyve, opphaldsrett som EU/EØS-borgar, besøksvisum eller gyldig visumfridom. 

Før de kan gifte dykk i Noreg må de få ei godkjenning til det frå Skatteetaten. Denne godkjenninga blir kalla «prøvingsattest» og er gyldig i 4 månader. Denne viser at de fyller krava til å gifte dykk, og er ei godkjenning til å inngå ekteskap i Noreg. Attesten skal de gi til dei som skal vie dykk (vigslar).

Kva dokument de må sende til Skatteetaten for å få prøvingsattest finn de informasjon om på Skatteetatens nettsider (eksternt nettsted).

Det er ventetid på å få utskrive prøvingsattest, så vêr ute i god tid før bryllaupet. 

Viss du skal gifte deg med ein person som bur i Noreg, og de ønskjer å inngå ekteskapet i Noreg, kan du søkje om eit opphaldsløyve for dette. Det er likevel ikkje krav om at du har akkurat dette opphaldsløyvet for å gifte deg i Noreg. Du kan gifte deg i Noreg så lenge du har lovleg opphald. 

Det er mogleg å få denne typen opphaldsløyve viss du skal komme til Noreg for å gifte deg, og han blir derfor gjerne kalla «forlovingsløyve». Du kan ikkje få denne typen opphaldsløyve for å finne ut av om de ønskjer å gifte dykk eller for at du skal bli betre kjent med kjærasten din. 

Det er ein del krav både du og kjærasten din må fylle, og mange dokument de skal levere inn saman med søknaden. Før du leverer søknaden må du undersøkje at de oppfyller krava.

Kva må eg gjere viss eg har fått opphaldsløyve for å gifte meg (forlovingsvisum)?

Opphaldsløyvet varer i maksimalt seks månader. De må levere søknad om opphaldsløyve med ektefelle minst ein månad før opphaldsløyvet for å gifte seg går ut.

Dette betyr at de har mindre enn fem månader på dykk til å bli gift. På Skatteetatens nettsider får du oversikt over kva de må gjere for å bli gift (eksternt nettsted). Det er mykje de må gjere i løpet av desse fem månadene, derfor er det viktig at de startar dei formelle prosessane rundt ekteskapet så tidleg som mogleg.

Rettar og plikter

• Du kan ikkje få ein dette opphaldsløyvet forlengt eller fornya viss de til dømes utset bryllaupet.
• Du kan arbeide i Noreg.
• Du har ikkje rett på gratis opplæring i norsk og samfunnskunnskap.
• Du kan reise inn og ut av Noreg så lenge løyvet er gyldig.
• Viss du leverer inn den nye søknaden om opphaldsløyve med ektefelle meir enn éin månad før den gamle går ut, har du framleis rett til å arbeide medan du ventar på svar på det nye opphaldsløyvet.
• Tida du har dette opphaldsløyvet tel ikkje med viss du seinare skal søkje om permanent opphaldsløyve eller norsk statsborgarskap.
• Mens du har denne typen opphaldsløyve kan ikkje familiemedlemmene dine (for eksempel barna dine) søkje om familieinnvandring med deg.

Du får ikkje automatisk eit opphaldsløyve i Noreg viss du giftar deg med ein person som bur i Noreg eller som er norsk statsborgar. 

For å bu i Noreg kan du søkje om opphaldsløyve gjennom familieinnvandring med ektefellen din. Det er ein del krav du og ektefellen din må fylle, og mange dokument de skal levere inn saman med søknaden. Før du leverer søknaden må du undersøkje at de oppfyller krava.

Rettar og pliktar viss du får opphaldsløyve for å bu med ektefellen din i Noreg

• Du kan arbeide i Noreg.
• Du har rett og plikt til opplæring i norsk og samfunnskunnskap. (eksternt nettsted)
• Du og ektefellen din må bu saman i Noreg.
• Du kan reise inn og ut av Noreg så lenge opphaldsløyvet er gyldig.
• Opphaldsløyvet har ein utløpsdato, og du må søkje om å fornye han. 
• Viss du leverer inn søknad om nytt opphaldsløyve meir enn éin månad før den gamle går ut, har du framleis rett til å arbeide fram til du får svar på søknaden.
• Med denne typen opphaldsløyve kan familiemedlemmene dine (for eksempel barna dine) få familieinnvandring med deg, dersom de oppfyller krava for dette.
• Tida du har dette opphaldsløyvet tel med viss du seinare skal søkje om permanent opphaldsløyve eller norsk statsborgarskap.

Viss du har barn saman med, ventar barn saman eller har vore sambuar i minst to år med ein person som bur i Noreg, kan du søkje om opphaldsløyve i familieinnvandring med han eller henne. Det er ein del krav for dykk begge, og det er mange dokument som de skal levere inn saman med søknaden. Før du leverer søknaden må du undersøkje at de oppfyller krava. 

Rettar og pliktar viss du får opphaldsløyve for å bu med sambuaren din i Noreg

• Du kan arbeide i Noreg.
• Du har rett og plikt til opplæring i norsk og samfunnskunnskap (eksternt nettsted).
• De må bu saman i Noreg.
• Du kan reise inn og ut av Noreg så lenge opphaldsløyvet er gyldig.
• Opphaldsløyvet har ein utløpsdato, og du må søkje om å fornye han.
• Viss du leverer inn søknad om nytt opphaldsløyve meir enn éin månad før den gamle går ut, har du framleis rett til å arbeide fram til du får svar på søknaden.
• Med denne typen opphaldsløyve kan familiemedlemmene dine (for eksempel barna dine) få familieinnvandring med deg, dersom de oppfyller krava for dette.
• Tida du har dette opphaldsløyvet tel med viss du seinare skal søkje om permanent opphaldsløyve eller norsk statsborgarska.

Du må ikkje ha opphaldsløyve i Noreg eller vera norsk statsborgar for å gifte deg i Noreg, men du må ha lovleg opphald. Lovleg opphald i denne samanhengen er, i tillegg til opphaldsløyve til dømes opphaldsrett for EU/EØS-borgarar, besøksvisum eller gyldig visumfridom. 

Viss vigselsstaden eller Skatteetaten treng ei stadfesting på at du har lovleg opphald i Noreg for å via dykk, kan du gjere dette:

• Viss du har gyldig opphaldsløyve og opphaldskort må du vise fram opphaldskortet ditt.
• Viss du har besøksvisum, må du vise fram passet ditt med visumetiketten i.
• Viss du er borgar av eit EU/EØS-land må du vise fram passet ditt.
• Viss du er statsborgar av eit visumfritt land må du vise fram passet ditt og dokumentasjon på at du reiste inn i Noreg for mindre enn 90 dagar sidan.
• Viss du er asylsøkjar eller i ein situasjon der du ikkje har fått opphaldskort enno, men har lovleg opphald, kan du kontakte oss. Me kan då gi deg ei stadfesting på at du har lovleg opphald for å inngå ekteskap i Noreg. Kontakt oss via vårt kontaktskjemaet vårt for stadfestingar. 

Sjølv om du har gifta deg i Noreg, eller du har gifta deg med ein som er norsk statsborgar eller har opphaldsløyve i Noreg, er hovudregelen at du ikkje kan levere inn søknaden din om opphaldsløyve i Noreg. Du må i staden levere han i eit land der du er statsborgar, eller har hatt opphaldsløyve dei siste seks månadene. 

I nokre tilfelle er det mogleg å levere søknaden i Noreg. For å finne ut om du kan levere søknaden i Noreg, må du gå til sidene våre om å søkje om familieinnvandring og svare på alle spørsmåla du får heilt til du får svar på om du kan levere søknaden i Noreg eller ikkje.

Viss du får til svar at du ikkje kan levere søknaden i Noreg, men gjer det likevel, må du vere klar over at søknaden vil bli avvist, og at du ikkje vil få refundert søknadsgebyret. Du må då levere inn ny søknad frå eit land der du er statsborgar, eller har hatt opphaldsløyve dei siste seks månadene.

Skal de gifte dykk i utlandet?

Viss de skal gifte dykk i utlandet, må dere sjølv undersøkje med styresmaktene i dette landet om kva dokument de må ha.

Før de reiser frå Noreg bør de mellom anna undersøkje om de må omsetje dokumenta, og om dokumenta frå Noreg må ha apostillestempel (eksternt nettsted) frå statsforvaltaren.

Har de allereie gifta dykk i utlandet?

Sjå Skatteetatens nettsider for informasjon om kva de må gjere for å få ekteskapet godkjent i Noreg (eksternt nettsted).

For enkelte land er truverdet (notoriteteten) til dokumenta så låg at Skatteetaten ikkje registrerer ekteskapet før etter at UDI har innvilga søknaden om familieinnvandring.