• Du må klage innan 3 veker frå du, fullmektigen din eller advokaten din fekk vedtaket, eller frå de burde ha skaffa dykk kjennskap til det.
• Har du ikkje hatt tid til å skaffe all dokumentasjonen du ønskjer å leggje ved klagen, innan 3 veker? Du må uansett sende inn klagen innan fristen, men du kan skrive i klagen at du ønskjer å sende oss meir dokumentasjon. Da vil du få ein ny frist på 2 veker for å sende inn dokumentasjonen.

Korleis skal du klage?

1. Skriv eit brev der du forklarar kva for vedtak du klagar på og kvifor du meiner at vedtaket du har fått er feil. Brevet må vere skrive på norsk eller engelsk. 
2. Skriv under på brevet. (Klager utan underskrift blir avviste.)
3. Skann eller ta bilete av det signerte brevet og last det opp i skjemaet vårt for ettersending av dokument til UDI. Du kan også sende det til politiet. Dersom du har ny informasjon eller dokumentasjon, må du leggje ved dette.
4. Når UDI har fått klagen din, vil du få beskjed på e-post eller SMS.

Det kostar ikkje noko å klage.

1. Når du klagar, vil UDI sjå på saka di på nytt.
2. UDI kan anten innvilge søknaden din eller sende han vidare til Utlendingsnemnda (UNE) for klagebehandling. Dersom vi sender han vidare til UNE, vil du få beskjed på e-post eller SMS.
3. UNE vil behandle saka di på nytt, og anten avslå søknaden din eller innvilge han.
4. Dersom UNE også avslår søknaden din, har du ikkje fleire klagemoglegheiter. 

• Du må klage innan 3 veker frå du, fullmektigen din eller advokaten din fekk vedtaket, eller frå de burde ha skaffa dykk kjennskap til det.
• Har du ikkje hatt tid til å skaffe all dokumentasjonen du ønskjer å leggje ved klagen, innan 3 veker? Du må uansett sende inn klagen innan fristen, men du kan skrive i klagen at du ønskjer å sende oss meir dokumentasjon. Da vil du få ein ny frist på 2 veker for å sende inn dokumentasjonen.

Korleis skal du klage?

1. Skriv eit brev der du forklarar kva for vedtak du klagar på og kvifor du meiner at vedtaket du har fått er feil. Brevet må vere skrive på norsk eller engelsk. 
2. Skriv under på brevet. (Klager utan underskrift blir avviste.)
3. Send brevet til ambassaden. Dersom du har ny informasjon eller dokumentasjon, må du leggje ved dette. Du finn informasjon i avslagsbrevet om korleis du skal sende inn klagen. 

Det kostar ikkje noko å klage.

1. Når du klagar, vil ambassaden sjå på saka di på nytt.
2. Ambassaden kan anten innvilge søknaden din eller sende han vidare til UDI for klagebehandling. 
3. UDI vil behandle saka di på nytt, og anten avslå søknaden din eller innvilge han.
4. Dersom UDI også avslår søknaden din, har du ikkje fleire klagemoglegheiter. 

• Dersom du får avslag på søknaden din om opphaldsløyve eller visum, vil du vanlegvis få ein frist for å reise ut av Noreg, vanlegvis tre veker. Dersom du ønskjer å bli i Noreg medan UDI eller UNE behandlar klagen din, kan du søkje om det. (Dette kallar vi utsett iverksetjing av vedtaket.)
• Dersom vi seier ja, kan du vente i Noreg til du har fått svar på klagen din.
• Dersom vi seier nei, må du reise ut av Noreg innan fristen du har fått. Dersom denne har gått ut, vil du få ein ny utreisefrist. 

Særskilte regler for deg som har søkt om fornying eller har fått tilbakekalla opphaldsløyvet ditt

• Dersom du søkte om fornying av eit opphaldsløyve, og du søkte om fornyinga minst éin månad før det førre løyvet ditt gikk ut, har du rett til å vere i Noreg under klagebehandlinga utan å søkje om dette.
• Dersom UDI har kalla tilbake opphaldsløyvet ditt, har du rett til å vere i Noreg under klagebehandlinga utan å søkje om dette.

I nokre tilfelle er det mogleg å få dekka utgifter til advokat eller andre nødvendige utgifter du har hatt i samband med klagen. 

Dette er berre mogleg dersom alle desse fire føresetnadane er til stades:

• UDI endra vedtaket ditt etter at du klaga
• utgiftene var nødvendige for å få endra vedtaket
• grunnen til at UDI endra vedtaket, var ikkje at situasjonen din hadde endra seg etter det første vedtaket, til dømes at du fekk høgare løn
• grunnen til at UDI endra vedtaket var at utlendingsmyndigheitene hadde gjort ein feil, til dømes at vi avslo søknaden din fordi vi ikkje såg at du hadde levert inn ei arbeidskontrakt då vi fatta vedtaket  

Korleis søker du? 

Dersom du vil søkje om å få dekka utgiftene dine må du sende eit brev til UDI der du ber om dette seinast tre veker etter at du fekk svar på klagen. Du må leggje ved dokumentasjon på utgiftene du har hatt. Dersom du har brukt advokat, må du eller advokaten din sende ei «spesifisert salæroppgåve» til UDI, der det står når advokaten arbeidde med saka, kva som blei gjort og kor lang tid dei særskilde arbeidsoppgåvene tok.

Kor lang tid tek det før du får svar?

Sjå informasjonen vår om ventetider.

• Sjølv om du tidlegare har fått avslag på søknaden din, kan du søkje på nytt dersom du meiner at du oppfyller krava no. Sjå vår oversikt over kva du kan søkje om og informasjon om korleis du søkjer og kor du må levere søknaden.
• Sjølv om du har fått avslag på søknad om for eksempel familieinnvandring, kan det likevel hende at du oppfyller krava til ein annan type opphaldsløyve, for eksempel for studium eller arbeid. Sjå vår oversikt over kva du kan søkje om og informasjon om korleis du søkjer og kor du må levere søknaden.