Dersom du har ein digital postkasse, slepp du å vente på at brevet frå oss skal kome fram i posten. Du kan spare opptil to vekers ventetid dersom du har ein digital postkasse.
Når vel ein digital postkasse, får du ikkje brev frå oss i vanleg post lenger. Digital postkasse er heilt gratis.
Dette må du ha for å få ein digital postkasse
- Norsk fødselsnummer eller D-nummer.
- Ein brukar i ID-porten (eksternt nettsted).
- Ein elektronisk ID som BankID for å logge inn i ID-porten. BankID får du frå den norske banken din (eksternt nettsted).
Du kan også logge inn i ID-porten med dei elektroniske ID-ane Buypass (eksternt nettsted) eller Commfides (eksternt nettsted).
På grunn av desse krava er det ikkje alle som kan få ein digital postkasse. Til dømes kan du ikkje få det dersom du aldri har budd i Noreg. Dersom du ikkje har ein digital postkasse, får du brev frå UDI som vanleg post.
Spørsmål og svar om digital postkasse
-
Kva er ein digital postkasse?
- Ein digital postkasse er ein nettstad der du kan logge deg inn og lese brev frå UDI og andre offentlege etatar.
- Ein digital postkasse er trygg. Derfor kan vi sende deg brev der som vi ikkje kan sende deg på e-post.
- Når du får eit nytt brev i den digitale postkassen din, får du beskjed på SMS eller e-post.
- Meir informasjon om digital postkasse (eksternt nettsted).
-
Korleis får eg ein digital postkasse?
- Gå til norge.no (eksternt nettsted).
- Vel kva for digital postboks du vil ha – Digipost eller e-Boks.
- Følg instruksjonane på noreg.no.
- Når du har oppretta ein digital postkasse, begynner vi og andre offentlege verksemder å sende deg brev til den digitale postkassen din.
-
Korleis veit eg om eg har fått nye brev?
Når du får eit nytt brev i den digitale postkassen din, får du ein e-post eller ein SMS med melding om at du har fått brev der.
-
Er digital post det same som e-post?
Digital post er ikkje det same som e-post. Når vi sender deg digital post, er det mykje tryggare enn vanleg e-post. Derfor kan vi sende deg brev der som vi ikkje kunne sendt deg på vanleg e-post.
Du må logge inn på den digitale postkassen din for å lese digital post.
-
Må eg ha ein digital postkasse?
Nei. Du må ikkje ha ein digital postkasse. Dersom du ikkje har ein digital postkasse, får du brev i den vanlege postkassen din heime.
Dersom du kan, rår vi deg til å opprette ein digital postkasse.
-
Kan eg la andre lese den digitale posten min?
Ja, dersom du vil at nokon andre skal kunne opne breva du får, kan du gi dei tilgang til den digitale postkassen din (eksternt nettsted). Du kan til dømes gi tilgang til ektefellen din eller ungane dine.
Dersom du skal gi nokon andre tilgang, må den personen også ha ein digital postkasse sjølv. For at nokon skal kunne få sin eigen postkasse, må dei vere over 15 år gamle.
Det er berre du som kan gi nokon andre tilgang til postkassen din. Dersom du vil at nokon du har gitt tilgang til postkassen din, ikkje skal ha det lenger, kan du fjerne tilgangen igjen.
-
Har digital post noko å seie for klagefristar?
Klagefristen på vedtak du får frå UDI, er tre veker. Det er den same fristen uansett om du har digital postkasse og får vedtaket ditt der, eller om vi sender deg vedtaket som eit vanleg brev i posten.
Når du har digital post, vil det seie at du må klage seinast tre veker etter at du fekk e-post eller SMS om at du hadde fått vedtaksbrevet.
Når du har blitt varsla om at du har fått eit brev, er det ditt eige ansvar å lese brevet.
-
Eg har problem med den digitale postkassen min, korleis får eg hjelp?
Dersom du har problem med den digitale postkassen din, finn du hjelp på noreg.no (eksternt nettsted).
Du kan også kontakte brukarstøtte hos Digipost (eksternt nettsted) eller e-Boks (eksternt nettsted).