Særbol-mottak blir etablert i Gratangen og Nannestad
Please note that not all the content on this page is available in English.
Særbol står for særskilde bu- og omsorgsløysingar, og er UDIs butilbod for asylsøkjarar med særskilde behov og som har hatt episodar med truslar og utagerande åtferd i ordinære mottak. Tre tilbydarar var kvalifiserte i anbodskonkurransen, og Stendi AS (tidlegare Aleris) leverte vinnartilbodet.
– Vi vurderte tilbodet frå Stendi som det beste både fagleg og tryggingsmessig, seier Belén V. Birkenes, regionsdirektør i UDI Vest.
Særbol-mottaka skal etablerast i Nannestad og Gratangen. UDI har vore i dialog med dei aktuelle politidistrikta og kommunane undervegs i prosessen.
– Vi har hatt ein positiv dialog med vertskommunane, og legg opp til tett kontakt vidare med både kommunane, politiet, lokalsamfunnet og andre aktørar, seier Birkenes.
Bebuarar kan flytte inn i Nannestad og Gratangen før påske.