Alle EU/EØS-borgarar kan arbeide i Noreg

• Alle EU/EØS-borgarar har rett til å vere arbeidstakarar i Noreg.
• Du sjekkar om arbeidstakaren er EU/EØS-borgar, ved å be han eller ho vise fram pass eller nasjonalt identitetskort frå heimlandet.
• EU/EØS-borgarar kan flytte til Noreg og begynne å jobbe med éin gong, men må registrere seg hos politiet seinast tre månader etter at dei kom til Noreg. Det er gratis å registrere seg.
• Svenske, danske, islandske og finske statsborgarar kan arbeide utan å registrere seg hos politiet, men dei må melde flytting til Folkeregisteret (ekstern nettstad). 

EU/EØS-borgarar som ikkje har registrert seg enno

• Dersom du skal tilsetje ein EU/EØS-borgar som ikkje har registrert seg hos politiet enno, må du gi arbeidstakaren eit tilsetjingsbevis  (pdf, 849 kB) eller ein arbeidskontrakt som inneheld den same informasjonen som i tilsetjingsbeviset. Dette må arbeidstakaren vise fram til politiet når han eller ho registrerar seg.
• Det er arbeidstakaren sjølv som må registrere seg. Du kan hjelpe arbeidstakaren med å leggje inn opplysningar i Søknadsportalen (ekstern nettstad) og bestille time hos politiet, men arbeidstakaren må sjølv møte opp hos politiet. 

EU/EØS-borgarar som allereie har registrert seg

• Dersom arbeidstakaren tidlegare har registrert seg hos politiet, har han eller ho fått eit registreringsbevis.
• Arbeidstakaren kan begynne å jobbe hos deg med ein gong og skal ikkje registrere seg på nytt.

Kontakt og spørsmål

• Arbeidsgivarar kan kontakte UDIs rettleiingsteneste via webskjema eller telefon for å få svar på spørsmål om regelverk for utanlandske tilsette og familiemedlemmane deira.
• I Oslo, Stavanger, Bergen, Trondheim og Kirkenes er det eigne Servicesenter for utanlandske arbeidstakarar, SUA (ekstern nettstad).